Өндөрхангай Иргэдийн Төлөөлөгчдийн Хурал энэ онд сумын 100 жилийн ойн урлаг, уран сайхны ажлын бэлтгэл болгож багууд болон сургуулийн сурагчдын дунд урлагийн наадмыг зохион байгуулахад дэмжиж оролцлоо. Гол зорилго нь Хан Хөхий нутгийн болон Элжигэн халхын соёлын өвийг өвлүүлэх, сурталчлах, түгээн дэлгэрүүлэх юм. Сургуулийн бүх ангийн сурагчид Хан Хөхийн магтаал, Хантарган бүжиг, уртын дуунуудыг сурсан байгаа нь үнэхээр бахархмаар. Энэ ажлыг удирдан зохион байгуулсан ЕБС- ийн хөгжмийн багш Д. Эрдэнэгэрэл, баг хамт олон, Д. Нина, Д. Долгорсүрэн нарт чин сэтгэлийн талархал илэрхийлье. Хамгийн сайн оролцсон 3 ангийг "Өв тээгч" ангиар шалгаруулж БАТЛАМЖ, мөнгөн шагналаар урамшуулж, авьяаслаг сурагчдыг өвгөн аавын бэлгээр шагнаж урамшууллаа.